السلام عليكم ورحمة الله وبركاته استاذ / حسين انا ولله الحمد ( يومياً )اقوم من النوم قبل صلاة الفجر اصلي الوتر واقراء سورة البقرة كامله بنية ربي يرزقني الي اتمناه وفي الايام الي كنت اقراء فيها سورة البقرة حلمت 3احلام بس متباعده بينها شهور تقريبا الحلم الاول : حلم ان في بيتنا حوض سباحه كبير جدا وعميق وداخله حوت ضخم جدا ورايت اني اسبح واللعب مع الحوت داخل حوض السباحه لكن محد من اهلي يتجراء ويقرب من الحوض انا فقط الي اسبح مع الحوت وماكنت خايفه كنت جدا مبسوطه ,بعد ماانتهيت من السباحه اتصلت باختي بالرياض واقالت لي عمرك طويل انا وزوجي بسيرتك ويقلك زوجي مابتلقي احسن منه وانا كنت متردده وخايفه فقالت اختي لاتترددي اقبلي عشان نسافر نروح ونجي مع بعض (انا مع اهلي بجده) **************** الحلم الثاني : حلمت اني اسبح داخل حوض سباحه عميق جدا واعوم داخل المسبح وانا جدا سعيده كنت اتمتع بالسباحه وماهره جدا في الغوص وبعد ماانتهيت من السباحه دخلت المجلس وتفاجات بوجود اخوي احمد ومعه شيخ من شيوخ الحرم كان الشيخ ماسك دفتر وقلم ويشرح لاخوي عند دخولي المجلس من الفجاه وقفت عالباب من الخجل فنظر الي الشيخ واشر لي وقال :انتي لك خبر حلو بس مو الحين بكره ورجع كمل كلامه مع اخوي وانا خرجت من المجلس دون انا اتكلم *************** الحلم الثالث : حلمت اني اسبح في حوض سباحه كبيير جدا انا واخوي الصغير وولد خالتي لكن انا كنت ماهره في السباحه واسرع منهم وكنت جدا مبسوطه كنت اسبح واغوص وسريعه مثل الدلفين بعد ماانتهيت من السباحه دخلت صالة بيتنا كانو اهلي جالسي وعلى وجوههم الفرح كان اخوي احمد الكبير لابس ثوب وشماخ وقرب مني وهو يبتسم وقال هذي لك واعطاني تعليقه ذهب كبيره ومرا حلووه ارجو منكم تفسير رؤياي ولكم جزيل الشكر .

ماشاء الله هذا توفيق من الله لك قيامك قبل الفجر وقراءة سورة البقرة
واما المرائي فهي تطمانك على ماكنت تتطلبينه وسياتيك خير كبير والحوت رزق كبير ان شاء الله