ديما بذكر ربنا واقول سبحان الله والحمدلله كتير اوى ومع ذلك مش مواظبة على الصلاة واقول هقوم اصلى واقرا قرأن ومعملش كدة ومرة واحدة اقوم لابسة واتوضا وانزل اصلى فى المسجد واقعد اقرأ قرأن وبرتاح جدا وانا فى المسجد بس مش بقدر اواظب على الصلاة فى المسجد ولما بصلى فى البيت مش نفس الاحساس الجميل اللى فى المسجد فى المسجد مش بسرح ولا بفكر وبحس ان همومى اتشالت من على صدرى لكن فى البيت بصلى كدة وخلاص فى المسجد بحس بخشوع وبعيط من خوفى من ربنا فى البيت لاء فى البيت بصلى بسرعة جدا مش بكمل دقيقة وبسرح و بحس انى مبصليش ودى مشكلتى انا عاوزة اصلى صح بس معقدة نفسى يا اما المسجد يا اما لاء طب ماهو المسجد بعيد وانا رجلى تعبانة من صغرى ودا اللى مقلل حركتى ومصعب موضوع المسجد عليا .واقول خلاص هصلى فى البيت واجى اصلى بكون مش عاوزة وبكون مشتاقة للاحساس التانى فى المسجد احساس عمرى ما حسيتة احساس جميل لا يقدر بثمن بحس انى ادام ربنا وبعيط من حبى لية انا بحب ربنا اوى بس مش عرفة اعمل اية والمشكلة ان اهلى مش مساعدنى على كدة خالص اختى الكبيرة اللى كانت قدوتى وكل شهر تختم القرأن ومبتسبش فرض ولا سنة اتغيرت فى يوم وليلة وبقت بتعشق الاغانى مع انها كانت بتعارضنى وبتنصحنى وبتساعدنى على الصلاة وبقت مبتصليش وبتتحجج وامى مواظبة على الصلاة لكن غصب عنها مشغوليتنا ساعات بتخليها مش مواظبة وديما تزعل منى ومتكلمنيش لما مش بصلى واقوم واصلى وبعد كدة خلاص الموضوع خلص وفين وفين لما تفتكر تقولى اقوم اصلى تانى وبابا كان نعم القدوة برضو اتغير ومبقاش حتى بيصلى صلاة الجمعة وقاعد فى البيت ديما عشان طلع على المعاش قدام التليفزيون دا حتى ساعات لما بيشتغل فيلم على التليفزيون فى لقطة وحشة انا بزعل اوى لما مش بيقلب وبقلب انا ولما مبيرضاش بسيب المكان وادخل اوضتى انام انا دلوقتى فى اجازة ديما نايمة مش عرفة اعمل اية انا تعبت اوى والله انا بحب ربنا اوى وبعيط لما بسمع القرأن والعقاب بس لما بشوف الحال بتاعنا بلاقى الدنيا ماشية عادى عاوزة اتغير واكون قريبة من ربنا وديما بعيط واقول انى مش كويسة عشان ساعات بدعى ربنا وبيلبى لى الدعاء وبقول فى نفسى ربنا عملى اللى كان نفسى فية مع انى مش بديلة ابسط حقوقة وبستحقر نفسى ارجوك تساعدنى انا والله بتعذب من جوايا وربنا عالم انا بحبة اد اية ونفسى اتغير اد اية بس الدنيا دى بقت وحشة اوى وصعبة اوى قولى الحل وادعى لأهلى انهم يرجعو تانى زى الاول اللى كانو بينصحونى ويرجعو قدوة ليا تانى