انا عند مشكله كبيره جدا ومش عرفه حلها فى شاب كان زميلى ايام الدراسه وانا صغيره والان هو طالب فى الطب اخر سنه واثناء الامتحانات هو شافنى من حوالى شهر وطلب منى الزواج وبالفعل حضر الى البيت وقابل اهلى ومامته شافتنى وخاله واهلى واهله مرحبين جدا بالجواز وهو بجد انسان كويس جدا ومحترم وازهرى واخلاقه كويسه جدا وكمان بيحبنى جدا جدا وعايز يعمل اى حاجه علشان يسعدنى ويفرحنى ومن حوالى اسبوع اتقدملى اكتر من عريس واهلى طلبوا منى انى اكلمه واقوله ان المفروض اهله يكون فى ارتباط رسمى حتى لو بقراه فاتحه وفعلا كلمه وقولتله وهو كلم اهله بس للاسف مامته صممت ان الارتباط يكون بعد امتحاناته يعنى على شهر 3 ان شاء الله طبعا اصبح اهلى وانا فى وضع حيره مش عرفين نعمل ايه وفيه اكتر من عريس متقدملى فى وقت واحد وكلهم الحمد لله كويسين فى مامتى قالتى حرام بلاش تضغطى عليه علشان امتحاناته واعملى استخاره وان شاء الله يقدملك اللى فيه الخير وفعلا عملت الاستخاره ولكن للاسف بعد ما عملت الاستخاره بيومين لقيت زميلى ده بيقولى انه تعب شويه وراح كشف واكتشف انه مش هيخلف وطبيا مستحيل انه يخلف الا عن طريق اطفال الانابيب طبعا هو كلمنى وهو منهار وانا اتصدمت بالكلام وقالى انتى ايه قرارك طبعا انا مقدرتش اقوله غير انى مستحيل افكر انى اسيبك دى حاجه مش فى ايدك دى حاجه بتاعت ربنا والاولاد دول رزق من ربنا وياعالم ممكن ربنا يكرمنا بالاولاد ربنا كبير وهو فعلا اقتنع بكلامى ولقيته متمسك بيه جدا ومش عنده اى استعداد انه يسيبنى وانا بجد مش عرفه اعمل ايه ومش ومش عرفه اكمل معاه ولا لا وانا كمان اتفقت معاه انى مش هقول لاهلى ولا لاهله ونسبها لربنا بس بجد مش عرفه انا كده صح ولا غلط واكمل معاه واسبها على ربنا بجد وربنا هو اللى بيرزق ولو عايز يكرمنا بالاولاد هيكرمنا بادن الله ولا اسيبه واتخلى عنه بس انا خيفه لو سيبته ربنا يعاقبنى انى اتخليت عنه وبردوا ممكن يحرمنى من الاولاد بجد انا هتجنن ومش عرفه اعمل ايه وهو متعلق بيه جداوخيفه عليه اوى احسن يعمل فى نفسه حاجه وانا اتكلمت مع صحبتى قالتى لا سيبيه مش ينفع تكملى معاه بجد انا برجوك ساعدنى بالمشوره قولى اعمل ايه وخصوصا انا مش اقدر اتكلم مع اهلى ولا اعرفه حاجه عن الموضوع ده