السلام عليكم انا عندى 19 سنة فى كلية صيدلة ديما كان والدى من صغرى قاسى عليا ديما ضرب ضرب بالخرطوم وبسلك التليفون وساعات بالسكينة كل حتة فى جسمى مشوهة من الضرب والعلامات لسة موجودة لحد دلوقتى عمرة ما باسنى ولا حضنى ولا طبطب عليا كان بيضربنى وانا نايمة لما ينادى عليا وطبيعى مش هسمع وانا نايمة كنت ساعات بحس انة بكرهة وعاوزة اموت نفسى ديما الاكل بالغصب والضرب والنوم يقولى كلى دلوقتى اقولة بطنى بتوجعنى جدا مش قادرة اكل الاقى الاقلام نزلت على وشى ضرب مبرح وانا صغيرة رجعت متأخرة من الدرس خمس دقايق كان عندى امتحان وقلتلة كان عندى امتحان مسكنى من شعرى فى الشارع وضربنى وكانت الناس بتوحش عنى كان يدخل الاوضة ويموتنى ضرب ويضرب ماما لو قربت وحاشت عنى مش عرفة لية العذاب دة مع انى بنى ادمة وبنتةمع ذلك بحبة اوى يا شيخ ومن صغرى لحد دلوقتى ديما بكدب على صحابى لما يكون فى كلام عن الاهل والاب وكدة واقولهم انا بحب بابا اوى وبابا عملى كذا وفسحنى وكل حاجة اتمنيتها كنت بقولها وطبعا كدب بس اجمل كدب فى حياتى عشتة وصدقتة يمكن كان فاكر انة كدة بيعلمنى مش عارفة كنت بخاف اتنفس او عينى تدمع ادمة من شدة الضرب كان يضربنى انا واختى ضرب مبرح لدرجة التشوةفى الوجة والجسم ويعاقبنى امشى من الصبح لحد المغرب فى البيت رايحة جاية مع انة عارف ان عندى شلل اطفال والمشى صعب عليا شوية انا دلوقتى يا سيدى بحب شخص اوى وهوة كمان وقال لاهلة وبابا قالى عاوزين نيجى نخطبك قلتلة مش دلوقتى يا عمى ناس محترمين اوى وانا قلت لماما واختى وكنت مرعوبة وانا بقول لبابا بس كان لازم اقول لان كفاية لحد كدة ضرب انا بقيت عروسة مش عيلة قلتلة لقيتة قرفان منى ومش موافق لانة فى كلية تجارة وانا فى صيدلة ولان هما نقلو منزلهم لمكان تانى لان كانو قاعدين هنا فى بلدى مؤقتا لظروف عائلية الشاب دة يا سيدى طيب جدا محترم جدا غيرنى وغير فيا حاجات كتير ديما يحثنى على الصلاة ويصحينى فى الفجر ديما يحثنى على المذاكرة بعد فضل ربنا كان هوة لة فضل فى الامتياز السنة دى بعد المقبول كل سنة حاجات كتير كويسة طيب لدرجة غير معقولة وانا بحبة جدا وهوة كمان وكل اهلة عارفين انة بيحبنى قلتلة كتير يبعد عنى انا مش انفعة بسبب اعاقتى لكن بالعكس اتمسك بيا وكلم والدتى وقالها لو حتى على كرسى متحرك هشيلها فوق كتفى وامشى بيها المشكلة فى والدى وزى ما قلت لحضرتك مش موافق عشان الكلية والمكان وتانى حاجة انة لسة برضو صغير شوية يعنى قدامنا سنتين لحد ما يقدر يخطبنى اية الحل ؟ استخرت ربنا لان كان متقدملى عريس وحلمت انى عروسة ومعاة فى الفرح وارتحت لة وحلمت انى انا وهوة متجوزين وعندنا بنت وجة صوت همس فى ودنى وقالى على اسم بنتى ؟ حاجة تانية يا سيدى ارجوك امى طيبة جدا وشايلة والدى فوق دماغها وكانت بتتحمل الضرب والشتيمة والالفاظ اللى كان بيشتمنى بيها اللى مينفعش تتقال قدام بنتة لكن كنت بلعب فى موبايل بابا لقيت رسايل من واحدة وكدة وباعتلها رسايل هاجيلك النهاردة وهية بعتالة ابعتلى فلوس كذا اتصدمت ولقيت دوا للضعف الجنسى مع انة مش بينام جمب ماما خالص فى الاوضة من ساعة ما خلف اختى الاخيرة وهوة مش بينام خالص فى الاوضة يمكن المفروض مكنتش اقول الكلام دة بس انا زعلانة وببصلة ديما باستغراب وهوة يشتمنى ويقولى بتبصيلى كدة لية ؟ لية دا كلة يا شيخ لية اية الحل ؟